Gipahibalo ni Department of Public Works and Highways (DPWH) Secretary Vince Dizon nga motestigo siya sa husay ni kanhi Ako Bicol Representative Zaldy Co sa Sandiganbayan ug pagasugdan karong umaabot nga Enero 20, 2026.
Kini ang gipadayag ni Dizon atol sa usa ka press conference kagahapong adlawa, Enero 12. Kahibaloan nga si Co nalutsan ug warrant of arrest kabahin sa giingong ₱289.5-milyon nga anomalous flood control project sa Oriental Mindoro.
Matod usab ni Interior Secretary Jonvic Remulla nga bisan paman niini nagpabilin gihapon nga gawasnon ang kanhi magbabalaod ug katapusang nahibal-an ang lokasyon ni Co nga gikatahong anaa kini sa Portugal.
Kalabot niini, gipahigayon sa mga kapulisan uban sa Bureau of Customs ug Land Transportation Office ang search warrant operation sa usa ka condominium sa Taguig kun diin asa nasakmit ang 14 ka mga high-end nga mga sakyanan ni Co nga lakip na niini ang Rolls-Royce, Toyota Sequoia, Cadillac Escalade ug Lexus models.
Photo Courtesy: Philippine News Agency
