Gipahinumdoman sa Caraga Municipal Police Station ang publiko batok sa scam nga pinaagi sa text, tawag, o social media nga gigamit ang pangalan sa mga kapulisan sa pagpangayo ug kwarta.
Kini ang giluwatan nga mensahe sa Caraga MPS ug gihatagan nila kinig gibug-aton nga diin gipasabot nga wala’y bisan kinsa nga gi-authorize sa Philippine National Police (PNP) nga mangayo ug kwarta o bisan unsang matang sa tabang.
Gipasidan-an ang publiko nga dili basta basta motuo sa mga madawat nga text o tawag nga nagpakaaron-ingnon nga miyembro sa PNP.
Gihangyo usab nila ang katawhan nga dili mohatag sa ilang personal nga impormasyon ug mas maayong ireport gilayon kini sa Police Station o sa lokal nga PNP unit.
Mapasaligon usab ang kapulisan sa ilang pagpatuman sa balaod ug gi-awhag ang tanan nga magmatngon aron nga dili mabiktima sa scam.
