Gipahibalo ni Department of Public Works and Highways (DPWH) Secretary Vince Dizon nga siguraduhon sa buhatan nga walay makalusot nga proyekto nga walay komprehensibo nga plano ug endorso.
Tumong niini aron malikayan ang Sistema nga pakusganay sa pagpatuman sa mga proyekto sa imprastruktura.
Matod pa ni Dizon nga kinahanglan ang tanang proyekto kinahanglan adunay plano ug giindorso sa mga development council.
Lakip sab ang pagsiguro sa buhatan nga nakaplano ang matag programa, nakabase ang bag-ong formula ug Sistema sa panginahanglan sa lugar ug paghatag og prayoridad sa paghuman sa mga kasamtangang proyekto.
Gawas niini, sigon ni Dizon nga tangtangon na ang “allocables” sa ilang 2026 national budget. Pagpasabot niini nga hulipan kini og Sistema nga nunot sa panginahanglan sa lain-laing lugar sa nasud.
Photo Courtesy: Assistance.PH
