Andam si Presidente Ferdinand Marcos Jr. nga atubangon ang bisan unsang reklamo sa impeachment batok kaniya.
Sa pagkatinuod, gihatagan og gibug-aton ni Presidential Communications Office (PCO) Undersecretary ug Palace Press Officer Claire Castro sa usa ka press briefing sa Malacañang nga girespeto sa Presidente ang ‘due process’ sa nasod.
Una niini, matod ni Castro nga giisip sa Malacañang nga usa ka “political maneuvering” ang posibleng pagpasaka og reklamo sa impeachment batok kang Presidente Ferdinand Marcos Jr.
Dugang pa niya, nasayod sila nga adunay nga ipasaka nga impeachment, apan gipasiugdahan nga ang Presidente nagpabiling dili apektado ug nakatutok lamang sa iyang mga responsibilidad.
Sumala ni Castro, ang giingong plano sa pagpasaka og impeachment complaint walay basehanan.
Samtang, gipahayag usab ni Caloocan City 2nd District Rep. Edgar Erice nga ang mga panaghisgot sa Kongreso wala lamang nakasentro sa impeachment complaint batok kang Bise Presidente Sara Duterte, nga kanhi alyado ni Marcos. Ang one-year bar rule alang sa pagpasaka og impeachment batok kang Duterte matapos na karong Pebrero 6.
Photo courtesy: Presidential Communication Office
