Gipahibalo ni Palace Press Officer ug PCO Undersecretary Claire Castro nga adunay 483 ka mga kalihokan sa iskedyul ni Presidente Ferdinand R. Marcos Jr. para sa tuig 2026.
Giklaro ni Castro nga ang giingon nga gidaghanon sa mga kalihokan pulos mga public engagements ug wala maglakip sa mga pribadong miting.
Sumala pa niya nga ang 483 wala maglakip sa mga courtesy call ug uban pang mga kalihokan sa presidente nga kinahanglan tambongan sa presidente karong tuiga.
Taliwala niini, nahibulong si Castro nganong aduna pa may mga nag-ingon nga walay gibuhat ang Presidente.
Sumala pa niya nga ang tanan nga gibuhat ni Presidente Marcos gi-post sa social media aron ipahibalo ug ipakita sa mga tawo, apan daw ang uban nagpakabuta-bungol lang aron lang suportahan ang ilang idolo.
Photo Courtesy: pbbm.com.ph
