Gimando ni Presidente Ferdinand “Bongbong” Marcos Jr. ang Philippine Health Insurance Corp. (PhilHealth) nga wagtangon ang interes sa wala nabayarang kontribusyon isip kabahin sa general amnesty alang sa mga negosyante, pribadong employer, ug self-employed nga miyembro.
Sa iyang video message, giingon ni Marcos nga tumong sa lakang nga mapagaan ang kahimtangan sa mga Pilipino, ilabi na nga gibati sa kadaghanan ang 3% nga buwanang kontribusyon sa PhilHealth.
Ipatuman ang one-time waiver sa interes sa tuig 2026, nga maglangkob sa mga wala nabayarang kontribusyon gikan Hulyo 2013 hangtod Disyembre 2024. Sumala sa Presidente, kapin 300,000 ka employer ang gilauman nga makabenepisyo sa maong polisiya.
Samtang gihangyo usab sa Presidente ang mga employer nga i-update ang ilang mga rekord sa PhilHealth ug irehistro ang ilang mga empleyado sa Yaman ng Kalusugan (YAKAP) Program, aron makapahimulos sila sa mga benepisyo sa komprehensibong primary ug outpatient health care.
Photo Courtesy: BusinessWorld
