Patay ang usa ka dalaga dihang nalumos kini human sa iyang pag salom. Naila ang biktima nga si Lesley Jean Galgo Ellazo, 19-anyos, nga ning dive sa linaw sa Beto, Blue Lagoon, nga impluwensyado sa ilimnong makahubog. Nahitabo kini alas 10:00 sa kagabhion niadtong nakalabay nga adlaw sa Barangay Buhing Calipay, San Isidro, Siargao Islands, Surigao del Norte.
Subay sa report sa San Isidro Municipal Police Station, ang biktima nag bonding kauban ang mga barkada, apan ning kalit lamang ang biktima sa pag-dive og pipila ka segundo wala na makahaw-as sa tubig rason nga gipangita kini sa iyang mga kauban.
Samtang nakita kini nga ninghuot biktima sa gamay nga lungag sa kanal hinungdan naglisod kini sa paghaw-as, gisuwayan nila pagluwas ang biktima, apan naglisod usab sila sa pagluwas niini, hinungdan nga nagayo sila og tabang sa Barangay. Dali usab nirescue si Albert Cagas, 25-anyos, nga hapit usab malumos tungod naglisod kini sa pagginhawa hinungdan nga gidala kini sa balay tambalanan para sa medikal nga atensyon.
Nakuha ang patay’ng lawas sa biktima pinaagi sa PCG, BFP, ug PNP, mga bandang alas 11:00 na sa gabie.
