Kapin sa 10,000 ka trabahante sa Surigao del Sur ang nakadawat og short-term employment ug immediate income support pinaagi sa Tulong Panghanapbuhay sa Ating Disadvantaged Workers (TUPAD) nga programa sa Department of Labor and Employment (DOLE) sa ikaduhang semestre sa 2025.
Sumala sa DOLE Surigao del Sur, nga gipangulohan ni Genebelle Bal, nga 10,674 ka benepisyaryo gikan sa lain-laing lungsod ug syudad sa probinsya ang nalakip sa programa. Ang mga benepisyaryo nakadawat og Php4,350 alang sa 10 ka adlaw ug Php6,525 alang sa 15 ka adlaw nga trabaho, depende sa gidugayon sa ilang engagement.
Ang programa nakahatag og total nga Php46.51 milyon sa sweldo, nga direkta nga nakatabang sa panimalay sa panginahanglanon matag adlaw sama sa pagkaon, kuryente, utilities, ug uban pang batakang galastuhan, ilabina sa panahon sa kahuyang sa ekonomiya.
Matod pa nga pinaagi sa TUPAD, ang DOLE nagpadayon sa pagsuporta sa inclusive growth, resilient communities, ug dali nga livelihood assistance, subay sa national agenda.
Photo courtesy: DOLE-SDS
