Gihingusgan sa Department of Health (DOH) nga dili magamit ang guarantee letter sa mga tambahan sa DOH gumikan gilangkuban kini sa mga zero balance billing program sa kagamhanan.
Matod ni Department of Health (DOH) secretary Ted Herbosa nga wala nagkinahanglan og bisan unsang klase sa endorsement nga gikan sa politiko aron makalibre sa bayrunon ang mga pasyente nga nagkinahanglan og serbisyong medical sa mga DOH hospital.
Dugang ni Herbosa nga aron wala nay bayran ang pasyente, kinahanglan lang nga moadto sa social worker unit sa tambalanan o modiretso sa buhatan sa director sa DOH hospital.
Giklaro sab ni Herbosa nga mamahimo gihapong mangayo og tabang sa politiko apan ang mga endorsement ug guarantee letter nga gihatag niini alang lang sa mga pribadong tambalanan.
Samtang plano sab sa buhatan nga palapdan sa administrasyon ang zero balance billing program ug target niini nga ipatuman ang dili lang sa mga DOH hospitals lakip na sab sa mga ospital nga gidumala sa local nga kagamhanan.
Photo Courtesy: GWHS.com
