Hugot nga ipatuman ni Presidente Ferdinand R. Marcos Jr. ang pagdili sa pag-apil sa mga politiko sa pag-apod-apod sa kwarta ug uban pang tabang pinansyal ubos sa 2026 General Appropriations Act (GAA).
Sumala sa Presidente, ang pondo sa gobyerno kinahanglan nga direktang moadto sa mga benepisyaryo ug dili gamiton sa politika.
Gipasalig ni Pangulong Marcos Jr. nga ang pag apod-apod sa tabang iagi lamang sa mga ahensya sa gobyerno aron malikayan ang patronage politics ug masiguro nga ang mga tawo makadawat sa kompleto ug husto.
Kini nga palisiya naglangkob sa Assistance to Individuals in Crisis Situation (AICS), TUPAD, mga programa sa 4Ps, ingon man mga cash grant ug pension para sa mga senior citizen ug mga tawo nga adunay mga kakulangan.
Sa samang higayon, ang 2026 national budget nagpalig-on usab sa Local Government Support Fund aron suportahan ang mga proyekto sa lokal nga gobyerno sa panginabuhi, kalamboan, ug kaluwasan sa komunidad.
Gipadayon sa Presidente nga ang national fund ipatuman subay sa kasamtangang mga balaod ug regulasyon.
Photo Courtesy: Philippine News Agency
