Gikompirmar sa National Bureau of Investigation (NBI) nga ang fingerprints ni kanhi DPWH Undersecretary Maria Catalina Cabral takdo sa ilang mga rekord, ingon man sa dokumentasyon sa kapulisan, sumala ni NBI Director Angelito “Lito” Magno.
Matod ni Magno nga nagpadayon pa ang imbestigasyon sa NBI sa kaso ni Cabral. Ang ahensya sa pagkakaron nagreview sa mga detalye gikan sa region ug sa homicide unit, og nagpaabot sa dugang nga mga resulta. Nagplano usab ang NBI nga ipaubos sa polygraph ang drayber ni Cabral nga si Ricardo Hernandez, depende sa rekomendasyon sa nadestino nga agent.
Dugang ni Magno nga ang imbestigasyon nasentro karon sa mga flood control projects nga gilambigit ni Cabral, ug dili sa eksakto nga sirkumstansya sa iyang kamatayon. Si Cabral napalgan niadtong Disyembre 18 ubos sa 16.9 metros nga bung-aw samtang nag-imbestigar sa giingong mga anomaliya sa mga proyekto sa DPWH.
Photo Courtesy: Manila Bulletin
