Nagtingkagol na karon sa Bacolod Municipal Police Station ang usa ka suspetsado human malampusong giselbihan sa Warrant of Arrest atol sa gipahigayon nga manhunt operation sa tracker team sa Bacolod Municipal Police Station, niadtong nakalabay nga adlaw sa Purok 3, Barangay Pagayawan, Bacolod, Lanao del Norte.
Giila ang suspetsado nga 42-anyos, lalaki, minyo, ug usa ka Barangay Kagawad, residente sa nahisgutang barangay.
Gidakop ang suspetsado subay sa Warrant of Arrest tungod sa krimen nga Attempted Homicide, nga narehistro ubos sa Criminal Case No. 1705-N.
Ang maong warrant gi-isyu ni Acting Presiding Judge Arassad M. Macumbal, sa 4th Municipal Circuit Trial Court sa Maigo–Bacolod–Munai, 12th Judicial Region, Bacolod, Lanao del Norte, pinetsahan kaniadtong Agosto 7, 2007, ug adunay piyansa nga mobalor ug ₱12,000.00.
Sa pagkakaron, ang suspetsado anaa na sa kustodiya sa Bacolod Municipal Police Station alang sa tukmang lakang.
Photo Courtesy:istock
