Gikataho sa mga otoridad nga usa ka 6.2-magnitude nga linog ang mitay-og sa kasadpang bahin sa Japan kagahapong adlawa, Enero 6, 2026. Apan taliwala sa nahitabong katalagman walay tsunami warning ug walay dakong kadaot ang gikataho.
Sumala sa report sa Japan Meteorological Agency (JMA) nga ang maong linog natala pasado alas 10:18 sa buntag didto sa Shimane prefecture sa mabaw nga giladmon. Samtang gikabutyag nga ang US Geological Survey nakarekord ug mas ubos nga magnitude nga anaa sa 5.8.
Dugang pa sa report nga ang pag-uyog sa syudad sa Yasugi naabot sa upper-five sa Shindo scale kun diin asa nagresulta usab kini sa pagkatumba sa pipila ka mga bilding ug nagpalisod sa mga motorista sa pagmaneho tungod sa mga nangaguba nga dalan.
Human sa maong insidente, nakatala usab ug daghang mga aftershock, apan wala gihapon nag-isyu ug tsunami alert. Samtang gipahinumdoman ang mga residente sa lugar nga mahimong alerto tungod sa maong linog.
Photo Courtesy:GB News
