Gibutyag sa tigpamaba sa Police Regional Office kon PRO 10 Police Major Joan Navarro nga usa sa ilang gitutukan ang dakong kalihokan sa traslacion sa itom nga nazareno saiyang kapistahan sa dakbayan sa Cagayan de Oro.
Matod ni Navarro nga mohatag sila og augmentation o dugang pwersa sa Cagayan de Oro City Police office kon COCPO aron mahatagan sa hugot nga seguridad ang katawhan ug deboto niini.
Gipasalig ni Navarro nga magpabiling malinawon ug luwas ang publiko sa ilang pagbisita ug naghangyo kini sa katawhan sa ilang makanunayon nga supporta aron mabatokan ang bisan unsang kriminalidad panahon sa pagsaulog sa kapsitahan.
Photo courtesy: City Government of Cagayan de Oro
