Opisyal nga gikumpirma sa Philippine Embassy sa Bern, Switzerland nga apil ang usa ka 16-anyos nga Filipino nga si Kean Kaizer Talingdan, kinsa gikataho nga nawala human sa sunog sa Crans-Montana bar niadtong Enero 1, 2026.
Ang teenager kasamtangang na confine sa University Hospital sa Zurich ug anaa sa stable nga kondisyon, ug padayong gimonitor sa mga doktor tungod sa mga samad nga iyang naangkon.
Nakig-alayon na usab ang Embahada sa Pilipinas ug ang gobyerno sa Italya sa mga awtoridad sa Switzerland, alang sa posible nga pagbalhin ni Kean sa Italya, depende sa mga resulta sa iyang sunod nga medikal nga pagsusi.
Sumala sa opisyal nga mga taho, 40 ka mga tawo ang namatay ug 121 ang naangol sa sunog nga nahitabo.
Nagpadayon ang imbestigasyon sa hinungdan sa insidente, samtang naglisod pa ang mga awtoridad sa pag-ila sa pipila ka mga biktima tungod sa kagrabe sa ilang mga samad.
Photo Courtesy: bernama
