Gipahigayon kagahapong adlawa sa lokal nga kagamhanan sa Ipil, Zamboanga Sibugay ang BOSS Program o Business One-Stop Shop, nga nagtumong sa pagpasayon ug pagpas-pas sa proseso sa pagkuha og mga permit ug lisensya sa negosyo.
Pinaagi sa BOSS Program, gitigom sa usa ka lugar ang nagkalain-laing buhatan sa gobyerno aron dali nga maatiman ang mga transaksyon sa mga negosyante. Lakip niini ang pagproseso sa mayor’s permit, barangay clearance, ug uban pang gikinahanglan nga dokumento.
Sumala sa lokal nga pangagamhanan, ang maong programa makatabang sa pagdani og mas daghang negosyante ug mamumuhunan sa lungsod sa Ipil, samtang mapakunhod ang oras ug gasto sa pagproseso sa papeles.
Gilauman nga pinaagi sa pagsugod sa BOSS Program, mas molig-on ang lokal nga ekonomiya ug mas mahatagan og sayon nga serbisyo ang mga negosyante sa Ipil.
Photo Courtesy:Atong Ipil, Atong Garbo
