Gipanghingusgan sa Barangay Council sa Balulang sa syudad sa Cagayan de Oro nga dili na pwede makabalik ang bisan kinsa nga tawo nga mag puyo sa Lower Manggahan nga gikonsidera nga no build zone.
Kini human nga adunay pipila ka mga tawo ug pamilya ang na peligro ug gi evacuate human nga nisaka ang tubig suba sa ilang panimalay bag-ohay pa lamang.
Gipasabot ni Kap Edwin Micabane sa Balulang nga daan na nga nagpahibalo ang Brgy nga bawal puy-an ug tukoran og mga balay ang lugar apan tungod kay langyaw ang kasagara sa ila mo sugal nalang ug wala makita ang kabalaka nga mosaka ang tubig-baha kung kusog ang ulan o adunay weather disturbance.
Photo courtesy: Juvelyn Tarasona
