Nakumpiska sa PNP-CIDG sa Navotas City ang mga frozen nga karne, isda, ug uban pang mga produkto sa agrikultura ug pangisda nga nagkantidad og Php100 million. Ang mga produkto walay mga dokumento, gidudahang smuggled, ug posibleng dili luwas nga kan-on.
Samtang nakumpiska ang mokabat sa 1,071 ka kahon sa mga produkto pinaagi sa search warrant tungod sa paglapas sa Food Safety Act of 2013.
Matod ni PNP Acting Chief Police Lieutenant General Jose Nartatez Jr., ang pagkasakmit usa ka kamatuoran sa ilang pagpakabana sa panglawas ug kaluwasan sa publiko, ilabi na karong panahon sa Pasko.
Dugang pa niya, mas gipahugtan pa sa PNP ang ilang kampanya batok sa mga kalihokan nga makadaot sa panglawas sa publiko ug nagguba sa proteksyon sa mga pumapalit. Gihatagan niya og gibug-aton nga dili nila tugotan ang bisan unsang paglapas sa mga balaod kalabot sa kaluwasan sa pagkaon.
Photo Courtesy to: psbalita.com
