Padayon nga nagpahigayon sa surveillance, monitoring, ug confiscation operations ang Task Force Bantay Karne sa bulan sa Disyembre 2025, nga gipangulohan sa City Veterinary Office ug kauban ang koordinasyon sa City Health Office, Business Permit and Licensing Office, City Economic Enterprise Development and Management Office, ug Philippine National Police.
Mikabat sa unom (6) ka establishamento ang gisusi didto sa PGB Night Market sa capitol compound Malaybalay City kung asa adunay usa (1) ang nasuta nga nakalapas sa kasamtangang ordinansa, hinungdan sa pagkumpiska sa 9.64 kilograms nga lechon niini.
Kini nga operasyon gihimo subay sa Republic Act No. 9296 (The Meat Inspection Code of the Philippines) ug City Ordinance No. 941 (Malaybalay City Meat Inspection Code), nga nagtumong sa pagsiguro sa kaluwasan ug kalidad sa mga produkto sa karne nga gibaligya sulod sa siyudad.
Pabilin nga pahimangno sa lokal nga kagamhanan ang tanang mga tindera ug establisemento sa karne nga mosunod sa kasamtangang inspeksyon sa karne ug mga regulasyon sa kaluwasan sa pagkaon, aron mapanalipdan ang panglawas sa publiko ug mapadayon ang pagsalig sa mga konsumidor.
via: CITY VETERINARY OFFICE MALAYBALAY
