Gipahibalo sa gobyerno sa Ireland og grant nga moabot sa €84,000 o (₱5.796M) alang sa mga tawo nga andam mobalhin ug mopuyo sa hilom nga mga isla sa daplin sa Atlantic coast. Pinaagi sa Our Living Islands Program, gamiton ang tabang pinansyal sa pag-ayo sa mga gibiyaan o walay nagpuyo nga mga balay.
Tumong sa programa nga buhion pag-usab ang mga komunidad nga dugay nang nagkagamay ang populasyon tungod sa pagbiya sa mga pamilya ug pagsira sa mga eskwelahan. Gilauman nga pinaagi sa pagdani sa mga remote workers, artists, ug bag-ong pamilya, mabalik ang kultura ug kinabuhi sa mga isla samtang nagtanyag og malinawon nga pagpuyo nga duol sa kinaiyahan.
Photo Courtesy to: Property Guides
