Gipahibalo ni Pangulong Ferdinand R. Marcos Jr. nga pwede na magsugod karong Disyembre ang mga miyembro sa Social Security System (SSS) sa pag-avail sa emergency loan, labi na kay anaa ang nasud sa national emergency.
Sumala sa Pangulo, ang emergency loan adunay ubos nga interes nga pito porsyento ug adunay unom ka bulan nga moratorium, diin dili kinahanglan magbayad sa loan amortization sa unang unom ka bulan.
Gituohan nga ang programa makatabang sa mga miyembro sa SSS sa ilang panginahanglan, ilabi na sa panahon sa kalamidad o emerhensiya. Gisulti usab sa Pangulo nga nagpadayon ang iyang pakig-uban sa SSS aron makapangita og mas luwas ug patas nga alternatibo sa micro ug emergency loans.
Gipasiugda ni Pangulong Marcos nga ang emergency loan makatabang sa mga trabahante aron malikayan ang pag-utang sa mga informal lenders nga taas ang interes.
Gilauman sa Pangulo nga makahatag kini og ginhawa sa mga SSS members sa oras sa ilang panginahanglan.
Photo Courtesy to: X.COM
