Gipahigayon sa LGU Ipil, pinaagi sa Ipil Technology Training Center kon (ITTC), ang serye sa livelihood trainings sa upat ka barangay sa lungsod.
Gidalit ang Food Processing ug Cookery Trainings ngadto sa Barangay Sanito ug Ipil Heights, samtang ang Bread & Pastry ug Cake Making Trainings didto usab sa Barangay Taway ug Lower Taway sa nasampit nga lungsod.
Gitambungan ang maong pagbansay sa mga women’s organizations, Persons with Disabilities (PWDs), ug uban pang kabus nga benepisyaryo aron mapalambo ang ilang praktikal nga kahanas ug pag-abli sa bag-ong oportunidad sa panginabuhian ug kita alang sa MSMEs.
Nagpasalamat ang LGU ngadto sa tanang Barangay officials sa ilang suporta ug aktibong partisipasyon, samtang nagpadayon ang kolaborasyon sa pagtukod ug mas lig-on ug empowered nga komunidad sa Ipil.
