Gikatakda nga anaa sa 16 ka adlaw ang bakasyon sa mga studyante sugod sa Disyembre 20 hangtud sa Enero 4.
Base kini sa gipahibalo sa Department of Education (DepEd) nga matod pa magsugod ang Christmas break sa Disyembre 20 ug mobalik ang klase sa Enero 5 sa sunod tuig.
Nagsunod ang bakasyon sa DepEd Order No. 12 nga gipagawas ni Secretary Sonny Angara niadtong Abril 15, nga naglatid sa multi-year guidelines sa school calendar ug mga kalihukan sa public elementary ug secondary schools ug sa mga community learning centers (CLCs).
Matod sa maong circular, ang holiday break ipahigayon sa katapusang duha ka semana sa Disyembre, ug mobalik ang klase sulod sa unang semana sa Enero.
Ang lakang gituyo aron matabangan ang mga eskwelahan sa epektibo nga pagplano sa ilang mga kalihokan ug aron mapuslan ang oras sa pagtudlo.
Giingon usab sa DepEd nga ang lakang nasubay sa eight-point socioeconomic agenda ni Presidente Marcos ug sa five-point reform agenda sa ahensya.
Photo Courtesy to: Philippine News Agency
