Nagpadayon ang Wushu star nga si Agatha Wong sa iyang pagsidlak sa iyang event, samtang ang swimmer nga si Kayla Sanchez napakyas pagdaog sa iyang ikaupat nga gold medal sa 33rd Southeast Asian Games sa Thailand.
Mikamada ang 27-anyos nga si Wong og 19.55 points aron ma-angkon ang bulawang medalya sa women’s taijiquan-taijijian event. Kini ang ikaunom nga higayon nga naghari ang taga Quezon City sa maong kalihukan, sugod niadtong 2017, 2019, 2021 ug tuig 2023. Gawas kang Wong, ang judo mixed team mikuha sab og bulawan human nila gipildi ang Thailand sa finals.
Sa swimming pool, si Sanchez nakaangkon sa silver medal human mitala og oras nga 25.15 seconds sa women’s 50m freestyle finals, gisundan sa teammate nga si Heather White nga nakakuhag 25.38 seconds alang sa bronze.
Dugang pa niini, ang 24-anyos nga si Sanchez kanhing midominar sa 100m backstroke, 100m freestyle ug 4 by 100m freestyle relay uban nila ni White, Xiandi Chua ug Chloe Isleta.
Samtang sa weightlifting, ang Tokyo Olympics ug ang two-time SEA Games champion nga si Hidilyn Diaz nagtan-aw nga molangkat og medalya sa women’s 58kg division nga adunay 90kg sa snatch ug 110kg sa clean jerk alang sa kinatibuk-ang total lift nga 200kg ug nahuman sa ikaupat nga dapit.
Photo Courtesy to : OneSports
