Gipagawas na ang listahan sa Philippine National Police (PNP) alang sa nagsingabot nga Bag-ong Tuig, alang sa mga gibawal nga pabuto lakip na ang “Goodbye Chismosa,” “Goodbye Bading,” “Watusi,” ug uban pa.
Sa press briefing kagahapong adlawa, Disyembre 15, 2025, si Police Col. Rex Buyucan, hepe sa Explosive Management Division sa Firearms and Explosive Office, nipagawas sa listahan sa mga pabuto nga dili magamit bisan asa sa nasud.
Matod niya nakigtagbo usab sila sa mga representante sa online selling ug delivery services lakip na ang Department of Trade and Industry (DTI) sa miaging semana.
Giklaro nya nga adunay diskusyon sa aspeto sa paghatod sa gidili nga mga pabuto ug pyrotechnic materials, alang sa pagprotekta sa kaluwasan sa komunidad.
Dugang pa niini, nipasidaan ang PNP nga adunay multa hangtod sa ₱20,000 ang madakpan nga namaligya og iligal nga pabuto. Gawas sa multa, posible sab nga mapriso og unom ka bulan hangtod usa ka tuig ang masakpan nga malapason sa maong balaodnon.
Photo Courtesy to : PNP
