Hugot nga ipatuman sa Philippine National Police (PNP) ang One Strike Policy sulod sa ilang han-ay karong holiday season.
Ubos sa maong polisiya, ang mga police commander mahimong manubag kon adunay ma-report nga kaso sa tiwaling pulis o indiscriminate firing sa ilang nasakupan.
Sumala sa acting PNP Chief, Police Lt. Gen. Jose Melencio Nartatez Jr., matag commander hatagan lamang og 36 ka oras aron masulbad ang bisan unsang kaso sa iregularidad nga maitala sa ilang hurisdiksiyon.
Kon mapamatud-an nga dunay kakulangon o kapakyasan sa ilang mando, ang maong mga commander posible nga matangtang sa puwesto ug mapahamtangan og kasong administratibo.
Ang lakang sa PNP kabahin sa pagpalig-on sa ilang kampanya batok sa mga pulis nga molapas sa balaod, ilabi na ang ilegal nga pagpabuto og armas atol sa pagsaulog sa Pasko ug Bag-ong Tuig.
Photo courtesy: Philippine National Police
