Dili makaduwa sulod sa 2 ngadto sa 4 ka semana ang Cleveland Cavaliers All-Star center ug ang reigning NBA Defensive Player of the Year nga si Evan Mobley human makahiagom og left calf strain sa usa ka duwa batok sa Washington Wizards.
Si Mobley adunay 23 puntos, 13 ka rebounds ug 6 ka assists sulod sa 36 ka minutos sa wala pa siya naangol sa tiil nga nakapugos kaniya sa pagbiya sa duwa og sayo.
Dugang pa si Mobley gipili sa Cavs nga adunay 3rd overall pick sa 2021 NBA Draft, ug sa pagkakaron nanguna sa iyang team sa rebounding nga adunay record nga 9.3 rebounds matag duwa, samtang nagrekord usab og 1.6 blocks matag duwa ug nakaamot og 19.1 puntos matag duwa.
Ang Cleveland anaa karon sa ika-7 nga puwesto sa Eastern Conference bitbit ang 15-11 nga baraha.
Photo Courtesy to: Flashscore.com
