Gipahibalo sa PNPA base sa usa ka advisory nga mikabat lamang sa 1,627 sa 21,179 ka mga examinees o 7.68 porsyento ang nakapasar sa Philippine Police Academy Cadet Admission Test (PNPA-CAT).
Nasayran nga gipagawas ang mga resulta kapin sa usa ka bulan human ang PNPA-CAT gihimo niadtong sa Nobyembre 8 hangtod 9 sa 27 ka mga testing centers sa tibuok nasud. Dugang pa sa PNPA nga ang 21,179 ka mga aplikante gilangkuban sa 18,153 ka rehistrado ug qualified nga mga aplikante samtang mokabat usab 3,026 ka walk-in examinees.
Gikataho usab nga ang mga aplikante nga malampusong nakapasar makapadayon sa sunod nga hugna sa admission process nga naglakip sa screening stage ug sa nagkalain-laing medical examination ug background check ug sundan kini sa mga interbyu ug usa ka oath-taking ceremony.
Samtang kahibaloan nga ang PNPA kasagaran mudawat lamang ug mga 350 ka kadete kada tuig.
Photo Courtesy to: Pilipino Mirror
