Gihingusgan sa Pag-IBIG Fund Iligan City Branch ang ilang kampanya sa pagrecruit og dugang pang mga miyembro pinaagi sa paglunsad sa usa ka espesyal nga marketing program nga gitawag og “One Plus 1 Raffle Promo.”
Sumala ni Marketing Specialist Efren Endriga III, tumong sa maong promo ang pagdasig sa mga indibidwal nga wala pa mamiyembro sa Pag-IBIG Fund, ug sa samang higayon, paghatag og insentibo sa mga existing members nga mangimbitar og bag-ong miyembro.
Matod pa ni Endriga, ang matag bag-ong mamiyembro ubos sa promo adunay katumbas nga raffle ticket nga mahimong magamit sa draw nga ipahigayon karong umaabot nga Disyembre 14, 2025.
Dugang pa niya, padayon nilang gidasig ang mga kasamtangang miyembro sa Pag-IBIG Fund nga aktibong mangita ug mangimbitar og lain pang mga indibidwal aron mapalapdan ang coverage ug kaangayan sa ahensya.
Gipahimangno usab ni Endriga nga kanunay nga nagmugna og bag-ong mga programa ang Pag-IBIG Fund aron mapalambo ang ilang serbisyo, mapadako ang benepisyo sa mga miyembro, ug mapalig-on ang kooperasyon tali sa ahensya ug sa komunidad.
Photo courtesy to: PhilippinesTime
