Nakadiskubre og lain-laing lami ang usa ka Pilipinong turista atol sa iyang pagbisita sa Japan, apan usa sa pinakatingalahang putahe mao ang “Shirouo no Odorigui” o dancing ice fish. Kini iyang nasugatan sa usa ka tradisyonal nga guesthouse diin giserbisyohan siya og gagmay, halos di makita nga isda nga buhi pa samtang naglangoy sulod sa panaksan.
Sumala sa lokal nga kusina, ang maong isda kan-on samtang buhi pa, ug mosayaw-sayaw kini pagsulod sa baba—hinungdan sa ngalan nga odorigui o dancing food. Bisan pa man nga nisulay ang turista sa maong putahe, mitug-an siya nga dili na niya kini balikon tungod sa lahi gyud nga kasinatian.
Bisan kontrobersyal, nagpadayon gihapon nga sikat ang Shirouo no Odorigui sa pipila ka rehiyon sa Japan, nagpamatuod sa talagsaon nga kultura sa pagkaon sa nasud.
Photo Courtesy to: WordPress.com
