Giawhag sa grupo sa mga meat vendors ang gobyerno sa pagpadayon sa kasamtangang minimum access volume (MAV) guidelines. Matod sa Meat Importers and Traders Association (MITA), ang pagbag-o niini makaapekto sa suplay sa karne sa nasud.
Dugang pa ni MITA president Emeritus Jesus Cham nga ang plano sa Department of Agriculture nga pag-usab sa mga lagda sa MAV sunod tuig usa ka dakong surpresa alang kanila.
Gibutyag niya nga importante nga dili na kini usbon sa pagkakaron tungod kasamtangan pa silang nagrecover sa sunod-sunod nga pag-ulbo sa sakit sa ilang kahayupan.
Gikataho nga andam silang makig-alayon sa DA aron i postpone ang maong plano.
Photo Courtesy to: Business World Online
