Nagpagula si Albay Governor Noel Rosal og pahibalo mahitungod sa bulkang Mayon, base sa pinakabag-ong obserbasyon sa Philippine Institute of Volcanology and Seismology (Phivolcs), nga nagpakita og presensya sa bag-o ug mabaw nga magma sulod sa bulkan kagahapong adlawa.
Nunot niini giaksyonan sa panggamhanan ang maong kalihukan alang sa paglikay sa katalagman ug pagpanalipod sa publiko, diin ang Albay Public Safety and Emergency Management Office, mihimo og hugot nga pagpugong sa tanang aktibidad sulod sa 6-km Permanent Danger Zone.
Apil niini ang pagsaka sa bukid, ATV riding, pagpamulak kon orchid picking, pagpang-ani og gulay, ug uban pang kalihokan.
Dili usab tugotan ang mga bisita sa Mayon Skyline Hotel sa gabii. Gipasabut ang tanang siyudad, munisipyo, ug barangay disaster risk reduction and management councils, nga naglibot sa Mayon Volcano nga magpabilin nga andam ug magpadayon sa pagbantay sa ilang tagsa-tagsa ka mga lugar.
Photo Courtesy to:Pinterest
