Ni-atras ang delegasyon sa Cambodian athletes gikan sa Southeast Asian (SEA) Games sa Thailand tungod sa kabalaka sa seguridad sa ilang pamilya samtang nagkataas ang tensyon sa utlanan sa duha ka nasod.
Gibutyag ni Vath Chamroeun, Secretary-General sa National Olympic Committee of Cambodia, nga gipahibalo na nila ang SEA Games Federation sa desisyon nga i-withdraw ang mga atleta aron masiguro ang ilang luwas nga pagbalik sa nasod.
Bisan pa sa withdrawal, nakasalmot gihapon ang Cambodian delegation sa opening ceremony sa 33rd SEA Games sa Bangkok kaniadtong Martes, Disyembre 9, 2025.
Ang 33rd SEA Games misugod sa Bangkok uban sa partisipasyon sa daghang nasod sa Southeast Asia, apan ang withdrawal sa Cambodia nagpamatuod sa epekto sa nagpadayon nga tensyon sa utlanan sa duha ka nasod.
SOURCE: PNA
