Mitaas ang kahigayonan sa Pilipinas nga makaabante sa semifinals sa women’s football samtang nagpadayon ang elimination round sa 2025 Southeast Asian Games. Gipildi sa Philippine Women’s National Football Team (Filipinas) ang defending SEA Games champion Vietnam, 1-0, sa duwa nga gidula sa Chonburi Daikin Stadium sa Thailand.
Gi-iskor ni Mallie Ramirez ang kadaugan sa tungatunga sa duwa. Nakaiskor sab og goal si Ramirez dihang gipildi sa Myanmar ang Pilipinas niadtong Biyernes, Disyembre 5. Ang Pilipinas kasamtangang naggunit og 1-1 nga rekord ug gikatakdang makigsangka sa Team Malaysia karong Disyembre 11, ubos sa Group D.
Ning duwaa, kinahanglang modaog ang Team Philippines aron maseguro nga makaabante kini sa sunod nga elimination round. Ang top-2 nga mga nasud lamang sa matag grupo ang makaabante sa sunod nga hugna, base sa mga lagda sa SEAG.
Ang Team Myanmar maoy nangulo sa grupo nga adunay 2-0 win-loss record.
Photo Courtesy to:Spin.ph
