Giuyog sa magnitude 7.0 nga linog ang bukiron ug hilit nga dapit sa tunga-tunga sa Alaska sa Estados Unidos, ug Yukon territory sa Canada niadtong Sabado, Disyembre 6. Ang linog miigo sa 2041 GMT nga gisundan dayon sa magnitude 5.6 ug 5.3 nga aftershock.
Natala ang epicenter sa linog sa gilay-on nga 155 miles o 248 kilometros kasadpan sa Whitehorse, ang kapital sa Yukon, ug 230 miles amihanan-kasadpan sa Joonow (Juneau), ang kapital sa Alaska.
Samtang wala’y hulga sa tsunami ang nahitabong linog.
Photo courtesy: BNO News
