Patay ang usa ka mayor sa gamay nga lungsod sa Guatemala,nga misalmot sa Christmas parade, samtang usa sa iyang bodyguard nasamdan sa insidente, sumala sa mga opisyal niadtong Domingo.
Si Nelson Marroquin, 38-anyos, gipusil niadtong Sabado sa lungsod sa Obero, 70 kilometro silangan sa Guatemala City, sumala sa National Association of Municipalities. Gikondinar ni Presidente Bernardo Arevalo ang pagpatay ug gimando ang dali nga imbestigasyon.
Pareho sa ubang nasud sa Central America, nag-antos ang Guatemala sa grabe nga gang violence. Ang homicide rate niini, 17.7 kada 100,000 katawhan, doble sa kalibutanong average. Niadtong Oktubre, 20 ka myembro sa iladong Barrio 18 gang nakaikyas sa prisohan, apan hangtod karon, upat ra kanila ang nadakpan pag-usab.
Gi-report usab sa gobyerno nga ang Estados Unidos magpadala og FBI team aron motabang sa pagdakop sa nahabilin nga fugitives.
Sa karon, nakolekta ang tulo ka basyo sa bala, gisusi ang CCTV footage, ug gipangolekta ang testimonya sa mga testigo aron matultulan ang responsable. Wala pa’y opisyal nga gi-publikar nga pangalan sa suspek.
SOURCE: PHILSTARLIFE
