Nagmalampuson ang gihimong buy-bust operation sa SDET sa Talusan Municipal Police Station (MPS) didto sa Sitio Tinago, Barangay Poblacion, Talusan, Zamboanga Sibugay, alas 5:15 sa hapon niadtong Disyembre 7, 2025, nga mitultol sa pagdakop sa usa ka lalaki, minyo, mangingisda, ug residente sa maong lugar.
Nakuha gikan kaniya ang upat ka piraso sa gagmayng heat-sealed nga drinking straw nga adunay puti nga kristal nga substansiya nga giila’g shabu, nga gibanabana nga adunay gibug-aton nga 1 gram ug street value nga Php6,800.
Lakip sa nakumpiska ang usa ka Php500 nga bill nga gigamit isip buy-bust money, tulo ka piraso sa cigarette foil, usa ka kahon nga Bravo red and white nga sigarilyo, lima ka Bravo nga sigarilyo, ug usa ka LCC orange lighter. Gidala ang suspetsado sa Talusan MPS alang sa tukmang disposisyon samtang ang ebidensiya ipasaka sa Zamboanga Sibugay Provincial Forensic Unit alang sa ebidensyal nga eksaminasyon.
Photo Courtesy to:Talusan Municipal Police Station
