Gikwestyon sa Commission on Audit (COA) ang Kapitolyo sa Sugbo tungod sa kapakyas niini nga ipang apod-apod ang liboan ka welfare goods nga gilangkuban sa mga sabon ug de lata nga karne, diin ang uban hapit na maexpire og ubay-ubay nga produkto ang na-expire na.
Base sa 2024 Annual Audit Report sa COA alang sa Probinsya sa Sugbo, nasuta nga 9,720 ka bars nga sabon ang wala naapod-apod bisan pa og na-report na kini, apan nasayran nga expired na niadto pang Enero 1. Samtang kapin sa 29,120 nga mga de lata nga canned beef ang nakaplagan nga na-expire na sab ug wala gihapon giapod-apod.
Namatikdan sa audit team ang mga discrepancy sa inventory records ug subsidiary ledger sa Provincial Accounting Office.
Aron makumpirmar kini, personal nga giinspeksyon sa COA ang warehouse nga nahimutang sa Department of Agriculture (DA) Compound diin ilang nakompirma nga adunay mga goods nga misreported kun sayop ang pagka-rekord
