Mipadayag pag-usab si Senator Erwin Tulfo og hangyo sa Department of Tourism (DOT) nga ipaubos ang presyo sa domestic flight tickets sa nasod.
Sa milabay nga debate sa budget sa DOT, giingon ni Tulfo nga daghan sa mga Pilipino ang mas mopili pa nga moadto sa Hong Kong o Taiwan kay mas barato pa ang round-trip ticket padulong didto kumpara sa usa ka one-way ticket pa-Batanes o Tawi-Tawi.
Giinsistir ni Tulfo nga ang taas kaayo nga presyo sa domestic airfare mao diin mao kini ang nag-unang babag sa pag-uswag sa turismo sa Pilipinas.
Sa mga nasod sa Southeast Asia, ang Pilipinas mao ang naa sa tumoy sa lista sa labing gamay og international tourist arrivals.
Base sa datos, gikan Enero hangtod Agosto 2025, nakatala ang Pilipinas og 3.96 milyon nga international tourist arrivals, layo ra kini kumpara sa Malaysia nga 28.24 milyon, Thailand nga 21.88 milyon, Vietnam nga 12.9 milyon, Singapore nga 11.6 milyon, ug Indonesia nga 10.04 milyon.
Gisugyot usab ni Tulfo ang pagdugang og direct flights paingon sa lain-laing probinsya ug ang mas agresibong pagpromote sa mga giisip nga “underrated” nga lalawigan sama sa Marinduque ug uban pa.
Photo courtesy: Philstar
