Nakatakda nga moatubang sa buhatan sa Independent Commission for Infrastructure (ICI) ang pipila ka mga kongresista isip mga resource person. Lakip sa ipatawag mao sila si House Majority Leader ug Presidential son Sandro Marcos ug Davao 1st District Representative Pulong Duterte.
Ipaubos sab sa imbestigasyon sila si Benguet Lone District Representative Agarao ug Bulacan 1st District Rep. Danny Domingo. Gawas niini, gilauman sab nga motambong ang mga opisyal sa Land Bank of the Philippines. Sa pagkakaron, wala pa’y kasigurohan kung unsa nga adlaw ang ilang pagtambong sa komisyon.
Samtang, gilauman ang pagsumiter sa Philippine National Police (PNP) og mas daghan nga mga kinahon nga mga dokumento nga may kalabutan sa flood control project sa ICI gawas sa nauna nga 95 kakahon diin anaa ang 28 ka mga ghost flood projects gikan sa nagkadaiyang rehiyon.
Photo Courtesy to:Malaya Business Insight
