Misaad kaniadtong Lunes si Bise Presidente Sara Duterte nga ang iyang opisina magpadayon sa pakigbatok sa kaylap nga korapsyon ug gipasiugda ang pagpadayon sa integridad sa tanan nga mga programa ug proyekto sa Opisina sa Bise Presidente.
Gipasalig usab ni VP Duterte nga ang OVP magpadayon sa ilang mga proyekto sa edukasyon, kinaiyahan, ug panglawas. Subay sa iyang year-end report, iyang gipasiugda ang mga nahimo ug ang padayon nga pagpaningkamot sa iyang buhatan sa pagserbisyo sa publiko.
Dugang pa niya nga ang OVP nagpakita sa kamahinungdanon sa maayong pagplano, episyente nga pagpatuman sa proyekto, pakigbatok sa korapsyon, ug pagpakabana sa kalinaw ug kalamboan sa nasud.
Photo Courtesy to: PNA
