Gikondena sa Venezuela ang pahayag ni US President Donald Trump, nga dapat ikonsiderang sirado ang ilahang airspace. Sumala sa foreign ministry office sa Venezuela, nga ang pahayag ni Trump, usa ka bakak, iligal ug dili patas para sa katawhan sa nasampit nga lugar.
Wala matod pay karapatan ang US para sirad-an ang airspace sa bisan kinsang nasud ug gitawag nila kini nga “Colonialist threat”. Kahinumdumang nagpadala ang US sa ilahang mga warship ug gihingusgan ang presensya sa kadagatan sa Venezuela.
Nagpahigayon usab ang US ug 21 ka airstrike sa mga bangka nga nagkarga ug iligal nga droga.
Photo Courtesy to:Reuters
