Gisugat sa mainiton nga pagbati sa mga tawo si “Pope Leo XIV” pag-abot niya sa Lebanon isip kabahin sa iyang lima kaadlaw nga pagbisita nga nagsugod sa Turkiye.
Sa iyang mensahe, iyang gihangyo ang katawhan sa Lebanon nga magpabilin sa ilang nasud bisan pa sa nagpadayon nga kagubot nga nakapahinay sa ekonomiya ug nagduso sa daghang Lebanese nga mobiya.
Gisugat siya sa bagang duot sa katawhan samtang nagparada siya padulong sa presidential palace sa Baabda.
Nanawagan usab ang Santo Papa pinaagi sa dayalogo human sa nahimong airstrike sa Israel sa habagatan nga bahin sa Beirut. Matod niya, gipili niya ang Lebanon ug Turkiye nga bisitahon aron palig-onon ang panawagan alang sa kalinaw sa rehiyon.
Photo Courtesy to: France 24
