Gatusan ka mga Iliganon ang misalmot sa gihimong Trillion Peso March sa Iligan City kagahapong adlawa, diin mipadayag ang mga partisipante sa ilang kabalaka sa nagkadugang nga isyu sa korapsyon sa nasud.
Tumong sa panagtigom ang pagtuldok sa giingong nagkadamak nga pagpangabuso sa pondo sa gobyerno.
Gipanawagan sa mga mitambong nga pasakaan ug kaso ang mga gituohang responsable sa pagpangawat sa nasudnong pundo ug ipabalik ang nawala nga kwarta sa katawhan.
Lakip sa ilang mga singgit ang pagpangayo sa mas lig-on nga transparency ug accountability sa tanang ahensya sa gobyerno.
Sa maong rally, aduna usab mga tingog nga nanawagan sa pagpahawa sa president /tungod sa ilang pagtan-aw nga palpak ang pagdumala sa nasud.
Samtang malinawon nga napahigayopn ang kalihokan, nanawagan ang mga organizers sa padayong pagpakita sa hugot nga baruganan pinaagi sa ligal ug demokratikong pamaagi.
