Gibutyag sa Ukraine nga aduna silay common understanding sa Amerika sa Peace deal aron mahuman na ang panagbangi nila sa Russia.
Ang maong proposal nakabase sa 28point plan nga gipresenta sa US delegation sa mga opisyales sa Ukraine ug nakigpulong na sila sa Geneva nakalabay nga semena.
Sumala pa ni US President Donald Trump nga ang tinuod nga plano naareglo na kauban ang mga input sa duha ka nasud.
Matod pa ni Trump nga nagmando na siya sa iyahang special envoy nga si Steve Witkoff para makighinabi kang Russian President Vladimir Putin sa Moscow og gipaadto na niya ang US Secretary of the army nga si Dan Driscoll sa Ukraine aron makigpulong.
Sa pagkakaron wala pa gihapon nadawat sa Russia ang bag-ong peace plan.
Photo Courtesy to:Le monde
