Gisentensiyahan og life imprisonment ang usa ka inahan sa New Zealand human mapamatud-an nga iyang gipatay ang iyang duha ka anak ug gibutang sa suitcases sa storage locker, sa kaso nga nailhan nga “suitcase murders.”
Si Hakyung Lee, 45 anyos, gikan sa South Korea, gipatay ang iyang anak nga si Minu Jo (6) ug Yuna Jo (8) pinaagi sa overdose sa prescription medication niadtong 2018. Ang mga lawas nadiskobre sa 2022 sa usa ka pamilya nga nakapalit sa storage locker sa auction.
Gihatagan siya og minimum non-parole period nga 17 ka tuig. Sumala sa hukom, gipatay ni Lee ang iyang mga anak nga partikular nga vulnerable.
Ang depensa nag-angkon nga si Lee nakaangkon og depresyon human mamatay ang iyang bana, nga maoy hinungdan sa iyang mental breakdown, samtang ang prosecution nagpadayon nga nasayud siya sa iyang gibuhat ug gisulayan pa gyud nga itago ang mga lawas sa storage locker.
Gipakita sa korte ang grabe nga epekto sa krimen sa pamilya sa biktima. Ang apohan ni Lee misulti nga sakit kaayo ang iyang gibati, ug nangutana nganong iyang giapil ang mga bata sa iyang kagul-anan imbes siya unta ang manalipod sa iyang mga anak.
SOURCE: CBS NEWS
