Dili moubos sa 36 ka tawo ang namatay sa dakong sunog nga nahitabo sa usa ka apartment complex sa Hong Kong, matod ni Hong Kong Chief Executive John Lee. Ang mga bombero padayon pa nga nakigbatok sa sunog nga nagsugod mga alas 3 sa hapon kagahapong adlawa ug dali nga mikaylap sa tibuok compound.
Gipangita pa sa mga awtoridad ang 279 ka mga tawo nga gituohang natanggong sulod sa mga bilding nga apekatdo sa sunog. Nagpadayon ang mga operasyon sa pagpangita ug pagluwas samtang ang mga rescuer naningkamot nga makasulod sa mga bahin sa complex nga dili pa luwas sudlan.
Samtang, 29 ka residente ang gidala sa ospital nga adunay nga nakaangkon ug samad, diin pito kanila ang naa sa kritikal nga kondisyon.
Samtang nagpadayon ang pagkaylap sa sunog, ang mga residente sa Wang Fuk Court sa Tai Po, diin nahimutang ang apartment complex, gibakwit dayon. Ang complex gilangkoban sa walo ka tore, matag usa adunay 31 ka andana, ug adunay kinatibuk-an nga mga 2,000 ka residential units.
Ang mga awtoridad miingon nga padayon nilang gibantayan ang kalig-on sa mga bilding ug ang posibleng kadaot sa istruktura samtang nagpadayon ang mga operasyon sa pagpalong sa sunog.
Giimbestigahan sa mga awtoridad ang posibleng hinungdan sa sunog. Ang inisyal nga mga taho ang sunog nagsugod sa usa sa mga ubos nga andana sa wala pa mikaylap sa ibabaw nga mga andana sa mga tore.
via: THE GUARDIAN
