Masaligon si Senador Risa Hontiveros nga makabalik sa Pilipinas sila Cassandra Li Ong ug Atty. Harry Roque human nga gipakanselar ang ilang mga pasaporte.
Ang duha nag-atubang og bug-at nga kaso sa human trafficking. Matod ni Hontiveros nga positibo siya nga mabalik sa nasud sila si Ong ug Roque aron nga atubangon ang kaso nga may kalambigitan sa POGO.
Dugang pa niini nga husto lang nga gikanselar ang ilang mga pasaporte gumikan makonsiderar kini sila nga niikyas gikan sa balaod sa nasud.
Gihingusgan sa senadora nga kinahanglan nga magpadayon ug dili mohunong ang panggamhanan sa pagpatubag sa tanan nga mga indibidwal ug criminal syndicates nga anaa luyo sa POGO scam hubs.
Photo Courtesy to: Asian Journal News
