Gipangunahan sa buhatan sa PDRRMO–South Cotabato ubos sa pagpanguna ni Rolly Doane C. Aquino, ang pag apod-apod og cash assistance ngadto sa mga benepisyaryo sa Cash-for-Work Program sa Barangay Canahay, Surallah, South Cotabato.
Gihatag ang tabang aron suportahan ang mga residente nga nalambigit sa pag-desilting ug pagkalot sa mga kanal sa yuta, diin parte sa usa ka hinungdanon nga paningkamot sa komunidad aron mapauswag ang agos sa tubig, malikayan ang mga pagbabag, ug maminusan ang pagbaha sa lokal nga lugar, labi na padayon ang pag-ulan.
Kini nga inisyatiba nagpalig-on sa pasalig sa Panggamhanan sa Probinsiya sa pagtukod og mga komunidad nga lig-on, dunay gahom, ug andam sa kalamidad pinaagi sa mga proactive DRRM interventions.
Photo Courtesy to:PDRRMO–South Cotabato
