Nabalhog sa prisohan ang usa ka lalaki human misulay kini sa pagkuha ug Police Clearance sa Rosario Municipal Police Station sa Cavite og plano unta niining mangapply og trabaho. Ang dinakpan giila nga si alyas James kinsa gikonsiderang Provincial Level Most Wanted Person.
Base sa report, sa dihang giverify sa opisyal ang iyahang impormasyon sa National Police Clearance System, migawas nga usa diay kini sa most wanted person.
Nasayran nga aduna kini’y duha ka warrant of arrest alang sa kasong Frustrated Murder ug Theft nga giisyu sa RTC Branch 130 sa Trece Martires City ug sa MTC Tanza, Cavite. Human sa pagdakop, gipasabot ang suspek sa rason sa iyang pagkasikop pinaagi sa pinulongan nga iyang nasabtan.
Sa karon ang suspetsado anaa na sa kustodiya sa Rosario PNP Custodial Facility alang sa tukmang lakang.
Photo Courtesy to:The appeal
